अहमदाबाद (सरखेज) - धोलेरा सेमी-हाय-स्पीड रेल्वे प्रकल्प

केंद्रीय मंत्रिमंडळाच्या आर्थिक घडामोडींच्या समितीने (CCEA) देशातील पहिल्या पूर्णपणे स्वदेशी तंत्रज्ञानाने विकसित होणाऱ्या अहमदाबाद (सरखेज) - धोलेरा सेमी-हाय-स्पीड डबल लाइन रेल्वे प्रकल्पाला मंजुरी दिली आहे.

१ . तांत्रिक आणि आर्थिक वैशिष्ट्ये

एकूण खर्च : सुमारे २०,६६७ कोटी रुपये.
प्रकल्प कालावधी : पुढील ४ वर्षांत म्हणजेच २०३०-३१ पर्यंत पूर्ण करण्याचे लक्ष्य.
मार्ग लांबी : १३४ किलोमीटर (मार्ग लांबी) आणि २९३ किलोमीटर (ट्रॅक लांबी).
वेग (Speed):
- डिझाइन गती : २२० किमी / तास .
- परिचालन (ऑपरेटिंग) गती : २०० किमी / तास .
प्रवासाची वेळ : या प्रकल्पामुळे अहमदाबाद आणि धोलेरा दरम्यानच्या प्रवासाचा वेळ ४८ मिनिटांवर येईल (सध्या १ तासापेक्षा जास्त वेळ लागतो).

तर सरखेज ते धोलेरा दरम्यान सुमारे ३४ मिनिटे लागतील.

२ . पायाभूत संरचना (Infrastructure Details):

एकूण रेल्वे स्थानके : १३ स्थानके.
मेगा ब्रिज (मोठे पूल): ३ मोठे पूल.
एकूण पूल लांबी : ७४ किलोमीटर मार्ग हा 'व्हायाडक्ट्स' (Viaducts - पुलांवरून) असेल.
इतर बांधकामे : ३९ रोड अंडर ब्रिज (RUB) आणि २ रेल्वे ओव्हर ब्रिज (ROB).

३ . जोडणी (Connectivity) आणि प्रादेशिक महत्त्व :

मल्टीमोडल कनेक्टिव्हिटी : हा रेल्वे कॉरिडॉर अहमदाबाद, धोलेरा विशेष गुंतवणूक क्षेत्र (SIR), नियोजित धोलेरा विमानतळ आणि लोथल राष्ट्रीय सागरी वारसा संकुल (NMHC) यांना परस्परांशी जोडेल.
मेट्रो आणि बुलेट ट्रेनशी जोडणी : हा प्रकल्प साबरमती स्टेशनवर देशातील पहिल्या मुंबई-अहमदाबाद बुलेट ट्रेन प्रकल्पाशी जोडला जाईल.

तसेच साबरमती, गांधीग्राम आणि वस्त्रापूर स्थानकांवर मेट्रो रेल्वेशी जोडला जाईल.

माल वाहतूक जोडणी : हा मार्ग सानंदजवळील डेडिकेटेड फ्रेट कॉरिडॉर (DFC) शी देखील जोडला जाईल, ज्यामुळे प्रवाशांसोबतच मालवाहतुकीला मोठा फायदा होईल.
सामाजिक प्रभाव : या प्रकल्पामुळे सुमारे २८४ गावांची कनेक्टिव्हिटी सुधारेल, ज्याचा थेट फायदा ५ लाख लोकांना होईल.

४ . राष्ट्रीय धोरणात्मक संदर्भ :

पीएम गतिशक्ती योजना : हा प्रकल्प 'पीएम गतिशक्ती राष्ट्रीय मास्टर प्लॅन' अंतर्गत विकसित केला जात आहे.
आत्मनिर्भर भारत : हा देशातील पहिला असा सेमी-हाय-स्पीड रेल्वे कॉरिडॉर असेल जो पूर्णपणे स्वदेशी तंत्रज्ञानाने (Indigenous Technology) देशातच तयार केला जाईल.